ლონდონის მერილებონის რაიონში, მადამ ტიუსოს ცვილის ფიგურების მუზეუმი შეივსო კიდევ ერთი ექსპონატით - ცნობილ ადამიანთა შესანიშნავ ასლებს შეემატა კიდევ ერთი - პრინც ჰარის ორეული.

ეს პირველი ნიმუში არ გახლავთ - პრინც ჰარის ადრეც რგებია მსგავსი პატივი. თუმცაღა ამ ცვილის ფიგურის დამზადებას ჰქონდა საგანგებო მიზეზი - ჰარი დიდი ხანია ემზადება სამხრეთ პოლუსზე მოგზაურობისათვის. ვარჯიშის პროგრამით ამ რამდენიმე ხნის წინ მან მთელი დღე-ღამე დაჰყო ყინულის კამერაში, სადაც ტემპერატურა იყო -35 გრადუსი ცელსიუსით.

სწორედ ამიტომ მისი ცვილის ფიგურა შესაბამის ტანსაცმელშია გამოწყობილი - თბილ  ფეხსაცმელებში, ქუდში და ქურთუკში.