სიკვდილამდე ცოტა ხნით ადრე პრინცესა დაიანამ აუდიოკასეტაზე დაუტოვა ანდერძი საკუთარ შვილს, პრინც უილიამს და მის მომავალ მეუღლეს. ჩანაწერში ლედი დი აღნიშნავს, რომ უილიამს ეყოლება ” ლამაზი, ჭკვიანი და დამოუკიდებელი მეუღლე”.

პრინცესას ნდობით აღჭურვილ პირთა გადმოცემით, ანდერძის მისთვის მიკუთვნება სავსებით რეალურია,  რადგან იგი რეალურად გრძნობდა საკუთარი სიცოცხლის მიმართ საფრთხეს. ლედი დის მეგობარმა, ბიზნესვუმენმა ლანა მარქსმა, რომელიც დაიანას ჩანთებს უკერავდა, განაცხადა, რომ ფირზე ჩაწერილი ხმა ძალიან ჰგავს დაიანას ხმას.

მისი გადმოცემით, მათ არაერთგზის უმსჯელიათ იმის თაობაზე, თუ როგორ წარმოედგინა ლედი დის უილიამის მომავალი მეუღლე და შვილები. ”როდესაც ჩანაწერში სიტყვა-სიტყვით გავიგონე ეს ფრაზები, კინაღამ გული შემიღონდა”, - აღნიშნა ლანა მარქსმა.

მისი სიტყვებით : ”ქეითი ზუსტად ისეთი ქალია, როგორიც დაიანას ენდომებოდა, რომ ყოფილიყო”. დაიანამ ისიც გამოიცნო, რომ უილიამის ცოლს მუქი თმები ექნებოდა. ამავე დროს დაიანას უილიამის მეუღლედ სურდა წარმოშობით არამაღალგვაროვნული, უბრალო კარგი ოჯახიდან, რათა მისი ვაჟი დამტკბარიყო ნორმალური საოჯახო ცხოვრებით. მის რძალს დღენიადაგ უნდა ეზრუნა საკუთარ ხალხზე.

”მოუფრთხილდით შვილებს ჩემი გულისთვის. დაე, მათ იცოდნენ, რომ რომ მე მეყვარება ისინი და ვიზრუნებ მათზე. მე ვიცი, რომ გეთაყვანები შენ, ჩვენ გავხდებით ერთგული მეგობრები. შენ განსაკუთრებული გოგონა ხარ, წინააღმდეგ შემთხვევაში ვერ გახდებოდი უილიამის მეუღლე”, - ისმის აუდიოკასეტაზე დაიანას ანდერძის აუდიოჩანაწერი.