როგორც საიტი ”epn.ge” იტყობინება, საქართველოს პრეზიდენტმა მიხეილ სააკაშვილმა ხელნაწერთა ინსტიტუტს ბაგრატიონების საგვარეულო მინიატურული ბილია გადასცა ბიბლია მოოქროვილია და ძვირფასი ქვებით არის შემკული.

 „ბიბლია 2004 წელს აშშ–ში პირველი ვიზიტის დროს, ერთ–ერთ მიღებაზე ბაგრატიონთა შთამომავალმა მაჩუქა და მითხრა, რომ ბაგრატიონთა საგვარეულო ბიბლიაა და ქართველ მეფეებს ყოველთვის თან ახლდა. ის საქართველოს სახელმწიფოს ეკუთვნის და წაიღეო“,– აღნიშნა სააკაშვილმა.

 მისივე თქმით, ყველა ქართული მატერიალური და კულტურის ძეგლი საქართველოს უნდა დაუბრუნდეს: „ეს ბიბლია როცა პრეზიდენტის სასახლე აშენდა, მას შემდეგ აქ იყო გამოფენილი. მინდა ყველაზე დაცულ ორგანიზაციას გადავცე, როგორიც არის ხელნაწერთა ინსტიტუტი. ყველა ჩვენგანის ვალია, ქართული მატერიალური და კულტურის ძეგლები დავუბრუნოთ ჩვენს ქვეყანას, რაც გააკეთა ექვთიმე თაყაიშვილმა, საქართველოს ეროვნულმა გმირმა. თუ მეც შევძელი ამის მობრუნება, თუნდაც ერთი ასეთის (ექვთიმემ ბევრად მეტი ჩამოიტანა), ესეც ერთ-ერთ ჩემს მიღწევად მიმაჩნია”.