ქეით მიდლტონს გამოუჩნდა დამხმარე პატარა უფლისწულის მოვლა-პატრონობაში. ეს არის 71 წლის ჯესი უები - ამ საქმეში ხანგრძლივი გამოცდილების მქონე - ხუმრობა როდია, ის იყო ბიჭუნას მამისა და ბიძის - უილიამისა და ჰარის ძიძა! ჭარმაგი ასაკის მიუხედავად, იგი დათანხმდა თავისი აღმზდილის მეუღლეს, რომელიც ბავშვის მოვლის ანაბანას სწავლობს, დახმარებას ამ საქმეში. პრინცი უილიამი ამბობს, რომ ძიძის მიმართ მეტად ფაქიზი გრძნობები ამოძრავებს და გასაკვირიც არ არის, რომ იგი მას სავსებით ანდობს საკუთარ პირმშოს. თუმცა, ტიტულოვან ოჯახთან დაახლოებული პირების გადმოცემით, თავდაპირველად უილიამი და ქეითი არ აპირებდნენ ვისიმე დახმარებისათვის მიემართათ და თავად სურდათ დამოუკიდებლად აღეზარდათ პატარა. მაგრამ, როგორც ჩანს, ბოლოს და ბოლოს არ აღმოჩნდნენ მსგავსი დახმარების წინააღმდეგნი. |
