პრინც ჯორჯის დაბადება დიდი ბრიტანეთში პოზიტიურად აისახა ბევრი მეწარმის ბიზნესზე. პატარის ამქვეყნიურ მოვლინებას ეძღვნებოდა ახალი სათამაშოები, ფაიფურის ნაკეთობები, კონსტრუქტორები... ოღონდ, მეწარმეებს ჰყოფნიდათ სიბრძნე, დალოდებოდნენ ბავშვის სქესის გარკვევას. ერთმა კომპანიამ კი თავისი მოუთმენლობით განიცადა წარუმატებლობა - 5 ათასი სასუვენირო თეფში გამოუშვა ”პრინცესას” დაბადების აღსანიშნავად. კომპანია სარგებლობდა ”ინსაიდური ინფორმაციით” სამეფო გარემოცვიდან და, რადგან ბეჯითად არწმუნეს, რომ იბადებოდა გოგონა, მოსწრებაზე დაამზადა სასუვენირო თეფშები ”პრინცესას” გამოსახულებით. ” Daily Mail”-ის ცნობით, ”პრინცესას” გამოსახულებიანი თეფშები იაფად შეისყიდა ერთმა ინტერნეტ-მაღაზიამ, რომელიც თეფშებს ყიდის ნაკრების სახით: 50 ცალი - 149 ფუნტი. საიტზე პროდუქციის გამსაღებელი თეფშებს უწოდებს ”ისტორიის შეცდომას” და მყიდველს სთავაზობს მათ შეძენას საშობაოდ კოლეგებისათვის მისართმევად, ყველაზე უვარგისი საჩუქრის სახით; ამას გარდა, იგი სხვა დატვირთვასაც უძებნის მათ - ექსტრიმის მოყვარულთ თეფშები შეუძლიათ გამოიყენონ ”სახიფათო ფრისბის” სათამაშოდ. | 
