ჰერცოგ უილიამსა და ჰერცოგინია ქეთრინს   სამშობიაროსთან ზღვა ხალხი ელოდებოდა, რათა იქიდან გამოსულთათვის მიელოცათ  და გამოეხატათ თავიანთი სიხარული ტახტის ახალი მემკვიდრის დაბადებასთან დაკავშირებით.

ბრიტანელებმა იხილეს თავიანთი პატარა უფლისწული - ჟურნალისტებმა და ფოტორეპორტიორებმა გადაუღეს პირველი ფოტოსურათები.  

ყველაზე დიდ ინტრიგად რჩებოდა ბავშვის სახელი - რას დაარქმევდნენ მას.

” CNN”-ის ჟურნალისტები ვარაუდობდნენ, რომ ეს იქნებოდა მონარქიული ოჯახისთვის ტრადიციული სახელი -  ჯორჯი ან ჯეიმსი. ისინი ეყრდნობოდნენ  სამეფო ოჯახის, მიდლტონების გვარისა და ტოტალიზატორის მონაცემებს. ვარაუდმა არ უმტყუნა მათ - ბავშვს დაარქვეს ჯორჯ ალექსანდერ ლუისი.

რაოდენობრივად  სამი სახელი არ არის გასაკვირი - როგორც წესი,  სამეფო ოჯახის წევრებს რამდენიმე სახელი აქვთ ხოლმე: ჩარლზი სინამდვილეში - ჩარლზ ფილიპ არტურ ჯორჯია, ხოლო დედოფალი - ელისაბედ ალექსანდრა მარიამი. პირველ სახელად პატარას აქვს ჯორჯი.

ბიჭუნას დაბადებისთანავე მიეკუთვნა კემბრიჯის პრინცის ტიტული. სხვათა შორის, მან დაამყარა წონის რეკორდიც ახალდაბადებულ ტახტის მემკვიდრეთა შორის.

ტაბლოიდმა ” The Sun”-მა  ერთჯერადად გადაიკეთა სახელი და გამოვიდა ” The Son ”-ის სახელწოდებით. გარეკანზე გამოსახულია ოფიციალური უწყება პრინცის დაბადებასთან დაკავშირებით, რომელიც შედგენილი და ხელმოწერილია სამეფო კარის ექიმების მიერ.