როგორც თბილისის დროით 23. 51-ზე იუწყება ”ბი-ბი-სი”, ქეით მიდლტონმა იმშობიარა და გააჩინა ვაჟი. ბიჭუნა დაიბადა გრინვიჩის დროით 15.24-ზე; ბავშვი იწონის 8 ფუნტსა და 6 უნციას (3კ-სა და 800 გრამს).

როგორც ცნობილია, 22 ივლისს ქეით მიდლტონი მიიყვანეს ლონდონის პადინგტონის წმიდა მარიამის საავადმყოფოს კერძო განყოფილებაში - იქ, სადაც პრინცესა დაიანამ იმშობიარა უილიამზე -   1982 წელს, ხოლო ჰარიზე - 1984 წელს.

უილიამისა და ქეითის პირმშოს დაბადებას ტელეოპერატორები და ფოტოგრაფები ელოდნენ მთელი ერთი კვირის განმავლობაში.

ახლადდაბადებული ბიჭუნა იქნება კემბრიჯის ჰერცოგისა და ჰერცოგინიას პირველი შვილი და მესამე - ბრიტანული ტახტის სამემკვიდრეოში.

პრინცი უილიამი იმყოფება შვებულებაში და პატარის დაბადების შემდეგ მიიღებს  დამატებით ორკვირიან შვებულებას, რაც დიდ ბრიტანეთში ერგება ყველა ახალდაბადებული ბავშვის მამას.