შაბათს, 20 ივლისს ბელგიის მეფე ალბერტ II-ემ  გამოსამშვიდობებლი სიტყვით მიმართა მოსახლეობას. ბელგიის მონარქის გადადგომის ოფიციალური თარიღი იქნება 21 ივლისი - მეფის ფიცის დადების დღე, რომელიც ეროვნული დღესასწაულია ქვეყანაში.

მეფემ მადლობა გადაუხადა ქვეშევრდომებს 20 წლიანი მხარდაჭერისთვის. მონარქმა, ასევე, "პოლიტიკური ანდერძი" გაახმოვანა, სადაც გამოთქვა ქვეყნის მომავალი განვითარების მიზნები და სურვილები.

კერძოდ, ალბერტ II-ემ მოუწოდა ბელგიის, როგორც ფედერალური სახელმწიფოს, ერთიანობის შენარჩუნებისკენ, ევროპულ მშენებლობაში მონაწილეობისკენ, საერთოევროპული ღირებულებების განვითარებისკენ. ამასთან, მონარქმა სურვლი გამოთქვა, ყურადღება მიექცეს განვითარებად ქვეყნებს.

ბოლოს კი, მონარქმა სთხოვა ქვეშევრდომებს უერთგულონ მომავალ მეფეს ფილიპსა და დედოფალ მატილდას, იტყობინება Reuters.

შეგახსენებთ, ივნისის დასაწყისში ალბერტ II განაცხადა, რომ უარს ამბობს სამეფო ტახტზე საკუთარი შვილის, 53 წლის პრინც ფილიპის სასარგებლოდ.

მონარქმა მიზეზად ასაკი დაასახელა. ეს იქნება პირველი პრეცენდენტი ბელგიის ისტორიაში, როცა მეფე თავისი ნებით დატოვებს სამეფო ტახტს.