ჯარში სამსახურით პრინცი ჰარი იხვეჭს  არა მხოლოდ  პირად დამსახურებებს, არამედ - პროფესიულსაც - სანამ მისი უფროსი ძმა უილიამი ემზადება მამობისათვის, ჰარი იმაღლებს კვალიფიკაციას.

5 ივლისს ჰარიმ, რომელიც აქამდე იყო მეორე პილოტი და მსროლელი, გაიარა საკვალიფიკაციო გამოცდები აშშ-სა და დიდი ბრიტანეთის სამხედრო საჰაერო ძალებში ყველაზე პოპულარული   ვერტმფრენის -  ”Apache”-ის მეთაურის   თანამდებობაზე.   

ექვს საათიანი გამოცდა შედგებოდა სამეფოს ტერიტორიაზე რამდენიმე გაფრენისა და რიგი სასწავლო შეტევებისაგან. როგორც ხელმძღვანელობამ აღნიშნა, ჰარიმ ტესტი ფრიადზე ჩააბარა.