ჯერ კიდევ გასული წლიდან იყო ცნობილი, რომ მსახიობი ნაომი უოტსი ითამაშებდა პრინცესა დაიანას როლს. ფილმი ეკრანებზე გამოვა წელს, შემოდგომაზე. “woman.ru”-ს ცნობით, ნაომი შესანიშნავად შეეთვისა ახალ როლს. ზოგიერთ ფოტოზე მისი გარჩევა უელსის პრინცესასაგან პრაქტიკულად შეუძლებელია - იგივე ღიმილი, იგივე თავის გადახრა, იგივე პლასტიკა. რა თქმა უნდა, სათანადო სამსახურებმა იზრუნეს, რათა მისი ჩაცმულობა და მორთულობანი მაქსიმალურად მიეახლოვებინათ დაიანასეულთან. ფილმი „დაიანა: სიყვარულის ისტორია“ პრინცესას მთელ ცხოვრებას კი არ ეხება, არამედ მის ორ უკანასკნელ წელს. ფილმის ავტორები განსაკუთრებულ ყურადღებას უთმობენ პრინცესას რომანს პაკისტანელ ქირურგთან, რომლის როლსაც ნევინ ენდრიუსი თამაშობს. |
