 | | ტახტის გადაცემის ხელმოწერა | ნიდერლანდებს ახალი მონარქი ჰყავს - ვილემ ალექსანდერი. დღეს, 10.00 ევროპის დროით, ნიდერლანდების დედოფალმა ბეატრიქსმა ხელი მოაწერა აქტს გადადგომის შესახებ. დღესვე, მისმა ვაჟმა ვილემ ალექსანდერმა ხელი მოაწერა აქტს სამეფოს ჩაბარების შესახებ. ოფიციალური ცერემონია 2 საათი მიმდინარეობდა. გუშინ საღამოს, მონარქის რანგში უკანასკნელად მიმართა ნიდერლანდელ ხალხს დედოფალმა ბეატრიქსმა. დედოფალმა განაცხადა: "ახლა, როცა ჩემი უფროსი ვაჟი იბარებს მონარქობას, ამ შესანიშნავ და საპასუხისმგებლო სამსახურს, ჩემი უდიდესი სურვილია, რომ ახალმა მეფემ და დედოფალმა იგრძნონ თქვენი მხარდაჭერა, როგორც მე ვგრძნობდი მთელი სიცოცხლის მანძილზე.
დარწმუნებული ვარ მეფე ვილემ ალექსანდერი ღირსეულად მიუზღვნის თავს იმ საქმიანობას, რომელიც კარგი მეფის ვალდებულებაა!" დღეს მთელი ამსტერდამი ქუჩაში იყო გამოსული, სხვა ქალაქების მცხოვრებლები კი ტელევიზორებთან მიმსხდარიყვნენ და ყველა ერთად ზეიმობდა. მთელი მსოფლიოს მედია აშუქებდა ამ დიდ მოვლენას ნიდერლანდების ისტორიაში. http://www.youtube.com/watch?v=by3z_aNbbdo
| 
