ია ლეონიდეს ასული ბაგრატიონ-მუხრანელი, დაიბადა თბილისში. მამა - ლეონიდე დავითის ძე  ბაგრატიონ-მუხრანელი იყო ნიკო ბაგრატიონის (ბურის) ძმისშვილი, მუხრანის შტოს წარმომადგენელი, პაპა-დავითი,  ცნობილი ვეტექიმი, 2-გზის წმ. გიორგის ჯვრის კავალერი. დიდედა - ეკატერინე ენგელმი იყო გამოჩენილი შვედი ადმირალის ქალიშვილი. 1921 წლის შემდგომ ამ შტოდან 22 ბაგრატიონი იყო დახვრეტილი ან ემიგრაციაში გაძევებული. დედა ქეთევან რატიანი-ქათამაძე იყო გერმანისტი.

1965 წელს, თბილისის სახელმწიფო უნივერსიტეტის დამთავრების შემდეგ მუშაობა დაიწყო ახალგაზრდულ გაზეთებში.

1979 წლიდან მიიწვიეს საკავშირო გაზეთ ,,Советская Культура“-ში საკუთარ კორესპონდენტად,  საქართველოში.

1989 წლის 9 აპრილის შემდეგ, პროტესტის ნიშნად წამოვიდა საკავშირო გაზეთიდან, რამეთუ სიმართლე თბილისის მომიტინგეების ხოცვა-ჟლეტაზე, დარბევაზე, ალესილი ნიჩბებით და მომწამვლელი გაზებით, საკავშირო პრესაში არ იბეჭდებოდა. 

1991წ. 22 დეკემბრამდე იყო ,,Свободная Грузия’’-ს მთავარი რედაქტორი. 29 დეკემბერს უზენაესი საბჭოს შენობაში ქალბატონ იას დაეღუპა ვაჟი - ვახტანგ ამირეჯიბი.

ქალბატონმა იამ დააარსა იტორიულ საგვარეულოთა შთამომავლების, თავად-აზნაურთა და მათ თანამდგომთა საკრებულო, ნიკო ბაგრატიონის (ბურის) საზოგადოება, თავად-აზნაურთა სკოლა-ლიცეუმი, მონარქისტული მოძრაობა ,,სამეფო გვირგვინი“.

ქალბატონი იას ბოლო ნაშრომები: ,,საქართველოს თავად-აზნაურობა“, ,,ბოლო საფეხურზე’’...