მე იმ ბედნიერ წუთს გეფიცები,

 რომ არ ყოფილა და არც იქნება. 

 სიყვარულისთვის მე ავენთები,

 როგორც აინთო ვერტერის ვნება.

 სხვის სიყვარული გულთან არ მოვა,

 როგორც არ მოვალ შენთან - ქებული.  

იტყვიან ჩემზე: "სიკვდილში ჰპოვა 

 თავის ძვირფასი შეყვარებული".

 გაივლის წლები - როგორც ზღაპარი, 

 და თუ გადაშლი წიგნს ნაცნობ მგოსნის, 

 თუნდაც, რომ ვიყო დიდი ხნის მკვდარი -

 ეს ჩემი ლექსი მაინც დაგკოცნის! 

 1983 წელი