| წერილი პირველი დიდი ბრიტანეთის გაერთიანებული სამეფოსათვის მონარქიის ინსტიტუტს რომ დიდი მნიშვნელობა აქვს, ამაზე ბევრი დაწერილა. ამ ქვეყნის მოქალაქეთა (სხვადასხვა გამოთვლით) 74-81% მონარიის მომხრეა... ხანდახამ მონარქიის მოწინააღმდეგეების განწყობა, თითქოს და, ძლიერდება, მაგრამ ამ დროს ხდება ხოლმე ისეთი რამ, რაც მათ ხმას ახშობს და ანეიტრალებს, და თვითონ ისინიც აღარ აქტიურობენ... მაგალითად, ქეით მიდლტონისა და პრინც უილიამის დაქორწინებამ კვლავ განამტკიცა სახალხო მონარქიის მომხრეთა პოზიციები... ქეით მიდლტონი აღმოჩნდა ძალიან კარგი პიროვნება და მისმა ხალისმა და სათნოებამ, ქველმოქმედებამ იგი აქცია ბრიტანეთის ერთ-ერთ ყველაზე პოპულარულ ადამიანად და სამეფო ოჯახის პოპულარობაც გაიზარდა, მას ადარებენ პრინცესა დაიანას, რომელიც უდიდესი სიყვარულით სარგებლობდა ბრიტანელთა შორის... დედოფლის ტახტზე ასვლის 60 წლის იუბილემ, ასევე, დიდი სიხარული გამოივია, პატრიოტიზმიც გააღვივივა ბრიტანელებში და კონკრეტულად მონარქიის პოპულარობასაც წაადგა, ბრიტანელები, მათ შორის არამონარქისტების, პატივს სცემენ ელისამედ მეორეს პიროვნებას. ბრიტანეთის მონარქია, სხვა სხვა ფაქტორებთან ერთად, ხელს უწყობს, მაგალითად, ინგლისისა და შოტლანდიის ერთიან სახელმწიფოში არსებობას... სხვათა შორის, შოტლანდიის პარლამენტის გახსნაზე დედოფალმა არ დაიხურა საიმპერატორო გვირგვინი, ის გვერდით ედო... ეს ჟეს ტი დელიკატურობაში და პატივისცემაში ჩამოარჩვეს დედოფალს და ძალიან დაუფასეს შოტლანდიელებმა...თანამეგობრობის 53 ქვეყანაზე სხვა დროს ვილაპარაკოთ. ახლა შევეცადოთ პასუხი გავცეთ კითხვას, რატომ იტანენ ბრიტანელები "ძვირადღირებული" მონარქიის "რჩენას'. საუკუნეების განმავლობაში ბრიტანეთის სამეფო ოჯახის ქონება იზრდებოდა, ეს ქონება ახლა ხალხის სამსახურშია და შემოსავალი შესდის ხაზინას და არ ემსახურება სამეფო ოჯახის კიდევ უფრო გამდიდრებას.... ორიოდე წლის წინ კონსალტინგურმა კომპანიამ Brand Finance გამოიკვლია უინძორების ქონების ღირებულება. ფირმის დასკვნით, ეს ოჯახი რომ იყოს კორპორაცია, მისი ღირებულება იქნებოდა 44,5 მილიარდი ფუნტი სტერლინგი, რაც 70 მილიარდი დოლარის ტოლია. ეს ციფრი შედგება 28 მილიარდი დოლარის აქტივებიდან - ხელოვნების ნიმუშების, ძვირფასეულობის, სასახლეებისა და მამულების სახით რომ აქვს სამეფო ოჯახს. ეს მათი საკუთრებაა. აღნიშნული ოჯახი რომ ქვეყნის სათავეში არ იყოს და თავის ქონებას თავად გამოიყენებდეს, გაცილებით მდიდრულად და გაცილებით ფუფუნებაში შეეძლოთ ცხოვრება, ამ ქონების შემოსავლიდან მხოლოდ მცირე ნაწილი გამოიყენება ოჯახის წევრების საჭიროებისათვის, ასევე, სახელმწოფოსათვის აუცილებელი ცერემონიალური მიზნებისათვის, როგორიც არის სახელმწიფოს მეთაურის მხრიდან ისეთი ფუნქციების განხორციელება, სხვაგან, საპარლამენტო და საპრეზიდენტო მმართველო
 | ბის ქვეყნებში პრეზიდენტები რომ ასრულებენ (კანონების ხელმოწერა, ელჩების მიღება, დანიშვნა, დამსახურებული მოქალაქეების დაჯილდოვება, სახელმწოფოს წარმოდგენა შინ თუ გარეთ და სხვა). ამ ყველაფერში პრეზიდენტები ხელფასს იღებენ და იხარჯება ბიუჯეტის ფული. დიდი ბრიტანეთის დედოფალი კი ყოველივე ამაში თავის ფულს დებს... გარდა ამისა, დედოფლისა და მისი ოჯახის გამო მილიონონით სტუმარი ჩადის ბრიტანეთში და ფულს ხარჯავს იქ, მილიონობით ადამიანი ათვალიერებს სასახლეებს და ფულს იხდის, ეს ფული ოჯახს კი არა, მისდის სახელმწიფო ბიუჯეტს... აღარაფერს ვამბობთ მოქალაქეთა იმ ფენაზე, რომლებიც ამით სარგებელს ნახულობენ, ეს ხომ ათეული ათასობით ადამიანისთვის სამსახურია, ზოგისთვის კი ბიზნესი (სასტუმროებისთვის, სატრანსპორტო კომპანიებისთვის, რესტორნების მეპატრონეებისთვის, ავიაკომპანიებისთვის, სუვენირების საწარმოებისთვის ... და აღნიშნულ ბიზნესში დასაქმებულთათვის). მილიონობით სუვენირი იყიდება დედოფლისა და სამეფო ოჯახის წევრების გამოსახულებით, ახლა პატარა პრინცია ყურადღების ცენტრში... ამბობენ, მარტო მისი დაბადების დღეს, სხვადასხვა გამოთვლით, 150-170 მილიონი ფუნტის სასმელი გაიყიდა ბრიტანეთშიო... ეს არის მთელი ინდუსტრია, რომლის მეშვეობით მილიონობით ადამიანი არჩენს ოჯახს.
დედოფლის "ბრილიანტის" იუბილის წინ ჩატარდა გამოკვლევა, რომლის მიხედვით მარტო ბრიტანელები 800 მილიონი ფუნტი სტერლინგის დახარჯვას აპირ ებდნენ ამ ისტორიული თარიღის სამახსოვროდ შესაძენ სუვენირებში, ამას ემატება უცხოელებიც...
აუდიტორების დასკვნით, წელიწადში სამეფო ოჯახი ბრიტანეთს აძლევს 53 მილიარდ დოლარამდე მოგებას... ფაქტია, ფინანსურ-ეკონომიკური თვალსაზრისით სამეფო ოჯახი უზარმაარ მოგებას აძლევს ქვეყანას, რასაც ყველა აღიარებს.
2013 წელი
|
